Оние што подоцна се приклучија на купувањето на крајот завршија во голем минус, затоа што подигнуваа кредити со цел да купат виртуелни пари, чија вредност после вртоглавиот раст, брзо се намали.

Повеќето луѓе што купуваа дигитални валути сакаа брза заработка, додека дел од нив гледаа долгорочна инвестиција во валутите, затоа што веруваа дека долгорочно овие валути ќе го променат финансискиот пазар. Според информациите на Bloomberg, врвот во вредноста на трансакциите на биткоин беше во ноември минатата година, кога вредноста на трансакциите беше 411 милиони долари, по што следуваше пад, а во јануари оваа година вредноста на трансакциите изнесуваше само 60 милиони долари.