GRID-апликацијата е новитет на македонскиот пазар....

Апликацијата вашите преференци ги зема во предвид во зависност од тоа какви вести сакате да читате. Апликацијата преку едноставен дизајн и одличен интерфејс ви овозможува да ги следите вестите преку неколку категории – Вести, Забава, Спорт, Твитер, Најнови, Мои вести и Бум мени.

Првите три категории имаат дополнително неколку поткатегории кои попрецизно ги распоредуваат информациите и медиумите. Во категоријата Твитер се опфатени најпопуларните твитови во текот на актуелниот ден. Категоријата Најнови, пак, хронолошки ги сортира вестите по ваш избор на категорија. Со категоријата Мои вести можете да зачувате вест што сакате да ја прочитате подоцна. Бум менито е информативно мени за најновите настани, концерти, театарски претстави, филмови, спортски натпревари, временска прогноза, хороскоп и ТВ-програма.

Она што претставува вистински новитет е можноста сами да изберете од кои медиуми ќе ги добивате вашите вести или, пак, сами да направите категории на вести по ваша желба Со ова, апликацијата GRID ви заштедува време нудејќи квалитетна информативна содржина и точни, проверени и навремени информации. За користењето на овие персонализирани опции потребно е да се најавите преку вашиот гугл или фејсбук-профил и потоа со неколку скролања по екранот да ја направите посакуваната категорија вести, зависно од темите и медиумите кои се од ваш интерес.