Социјалната мрежа ќе ги информира сите корисници кои биле во допир со руска пропаганда...



Твитер ја прошири истрагата за лажни сметки управувани од ботови поврзани со Русија,за кои има сомневања дека влијаеле на исходот на американските претседателски избори во 2016 година.Според последните информации повеќе од 670 илјади корисници на Твитер во САД во некој момент има комуницирано со некои од тие лажни сметки.

Со цел да се избегне такво нешто да не се повтори во иднина,Твитер е решен да ја промени политиката кон корисниците.Така тие најавија натамошно вложување во машинско учење и вештачка интелигенција,која треба да им помогне да идентификуваат лажни сметки,координирана и автоматска активност.