Facebook најави дека во Европа ќе отвори три нови центри за дигитално описменување на граѓаните...

Facebook веќе отвори слични центри во земјите како што се Нигерија и Бразил. Компанијата на Марк Цукерберг најавува инвестиции од 10 милиони евра во Франција преку тамошниот центар за истражување на вештачката интелигенција. Планирани се такви центри и во Шпанија, Полска и Италија.

„Луѓето стравуваат дека дигиталната револуција ќе ги прегази, па затоа сакаме да вложиме во дигиталното описменување, со цел да им помогнеме на луѓето да стекнат дигитални вештини, потребни за полноправно учествување во дигиталната економија“, изјавила деловната директорка на Facebook, Шерил Сендберг.