Секој скрола постојано на својот смартфон или на десктоп компјутерот, од кои дефинитивно не можеме да се разделиме. Следствено на тоа, постои ли нешто како зависност од интернет? Официјално, не. Медицинските професионалци дебатираат на оваа тема уште од средината на 90-тите години за да утврдат дали оваа зависност спаѓа во семејството на ментални нарушувања.
Се смета дека за некои луѓе играњето игри онлајн предизвикува промени во мозокот на ист начин како и кај зависниците од дрога. Сепак, уште нема доволно докази за да може зависноста од интернет да се прогласи како ментално нарушување, или некој друг вид на нарушување.
