Гигантската компанија добива писма од секакви експерти и аналитичари, но ниедно не е како она што го испратила Клои Бриџвотер. 7-годишното девојче од Англија адресирало писмо до Google со пенкало, каде напишало дека кога ќе порасне сака да се вработи во Google. Таа напишала дека обожава компјутери и игри на таблети, а тато и кажал дека ако биде добра и учи, можеби еден ден ќе добие работа во Google.
Нејзиниот татко се шокирал кога добил писмо лично од Сундар Пичаи, шефот на Google, кој веднаш го објавил на интернет. На писмото пишува дека на Google му е мило што девојчето се интересира за компјутери и ја очекуваат нејзината апликација кога ќе заврши со училиштето.
„Ако продолжиш напорно да работиш и ги следиш своите соништа, можеш да оствариш се што ќе посакаш“, напишал Пичаи.
