Младите редовно минуваат време во виртуелниот свет и затоа е логично да се заклучи дека таму се лесна мета за агресивни и ефикасни пропаганди за активизмот на терористите. Социјалните мрежи беа на мета на напад поради терористичките материјали, а Twitter заврши дури и на суд поради тужба за бавно отстранување на терористичка пропаганда од својата платформа.
ЕУ овие денови изврши дополнителен притисок за говорот на омраза на социјалните мрежи, па најголемите компании се согласија во рок од 24 часа да отстрануваат такви објави без исклучок. Во иницијатива за виртуелниот тероризам официјално се вклулени Twitter, Microsoft, YouTube и Facebook. Мисијата е јасна - ефикасно отстранување на сите материјали, на било кој начин, од било која платформа, што поттикнуваат и промовираат терористички идеи.
