BlackBerry помина бродоломи во последните неколку години, обидувајќи се да се исправи на нозе...



Компанијата и во моментот тешко ги продава своите нови модели BlackBerry Priv, кои функционираат со Android. Оперативниот систем беше картата со која лидерите на компанијата се надеваа дека компанијата ќе воскресне, но за жал излегоа информации дека продажбата оди многу слабо.

Корисниците ги враќале овие мобилни и ги заменувале за други, затоа што не биле задоволни со софтверот, плус тоа што цената од 700 евра е премногу висока. Инаку, концептот на мобилниот телефон е одличен, не можеме да сфатиме зошто корисниците не можат да го прифатат. Џон Чен, пред некое време рече дека годинава е клучна за компанијата, така што ако не успее да се издигне, голема е веројатноста да пропадне.