Во последните два месеца Samsung, LG, Sony, Huawei, Apple и други мобилни компании ги претставија новите модели на смартфони...



Оваа недела HTC ќе го претстави својот нов модел 10. Телефонот ќе им конкурира на најсилните смартфони на пазарот, ќе има Qualcomm Snapdragon 820 процесор, 4GB RAM меморија и 32, т.е. 64GB внатрешна меморија, која ќе може да се проширува со microSD мемориска картичка. Дијагоналата на дисплејот ќе изнесува 5,2 иончи, со резолуција од 1,440x2,560 пиксели, а според некои информации HTC со овој телефон сака да ја претстави „најдобрата смартфон камера на светот“, со резолуција на задната камера од 12MP, оптичка стабилизација на сликата и ласерски автофокус, а од предната страна 5MP камера.

HTC објави видео на Twitter, со кое сака да не информира дека нивните инженери биле многу „опседнати до траењето на батеријата“. Тоа значи дека компанијата се обидува да го реши најголемиот проблем со батеријата на смартфоните.