Третата најголема мобилна компанија на светот, кинескиот Huawei, вчера ги претстави најмоќните смартфони за годинава...



За P9 и P9 Plus имаше многу гласини досега, затоа е редно време да ги откриеме неговите карактеристики - две задни Leica камери со 12MP и предна камера со 8MP. Huawei P9 доаѓа со дисплеј од 5,2 инчи и резолуција 1920x1080 пиксели, 8-јадрен Kirin 950 процесор и ќе биде достапен во две верзии - со 3GB RAM/32GB внатрешна меморија и 4GB RAM/64GB внатрешна меморија. Двата телефона имаат и сензори за отпечатоци на прсти.

Моделот P9 Plus е достапен само со 4GB RAM меморија и 64GB меморија за складирање на податоци, поголем дисплеј со 5,5 инчи и Full HD резолуција со Press Touch технологија за препознавање на јачина на притисок на прстот на екранот. Двата смартфона работат со Android 6.0 Marshmallow. Класичната деветка има батерија со капацитет 3,000, а големата деветка со 3,400 mAh, имаат microSD мемориски картички и Dual-IC Rapid Charge технологија, за брзо полнење.

P9 доаѓа со цела од 599 до 649 евра, а Huawei P9 Plus за цена 749 евра.