Eнергетската ефикасност во домаќинството има многу големо значење, исто како и за сите правни субјекти...



Одлично е кога сите заштедуваат на фиксните трошоци, затоа што ќе може повеќе да се фокусираме на вложувањето. Така Центарот за енергетска ефикасност на Македонија (МАЦЕФ) во Охрид ги презентираше новите трендови во енергетската ефикасност, која директно зависи од изградбата на објектите и начинот на користење.

Според енергетските насоки во ЕУ од 2000 до 2012 година, енергетската ефикасност во објектите е подобрена за 1,8 отсто. Потрошувачката на енергија годишно се намалува за 1,5 отсто на ниво на ЕУ. Потрошувачката на енергија за греење се намалува за 2,3 отсто годишно на ниво на ЕУ. Се намалува потрошувачката на електричната енергија кај електричните уреди што трошат повеќе енергија, при што се забележува намалување на потрошувачката за осветлувањетото по живеалиште во споредба со 2000 година. Без мерки за енергетска ефикасност потрошувачката на енергија во 2012 година ќе била поголема за 60М на ниво на цела ЕУ.

Енергетски насоки во Македонија

Според истражувањата на МАЦЕФ, Во 2012 година домаќинствата имаат 25% удел во вкупната потрошувачка на финална енергија. За подобрување на енергетската ефиксност, се препорачува користење на поефикасни системи за греење и ладење, зголемено искористење на расположливите обновливи извори на енергија, користење на електрични уреди кои се со повисока енергетска класа (или помала потрошувачка на енергија), користење на енергетски ефикасни светилки o Менување на навиките

Енергетска ефикасност во осветлувањето

1. Замена на светилките со вжарено влакно со: Компактно флуоресцентните светилки, ЛЕД – светло-емитирачки диоди;
2. Системи за контролирање на енергетски ефикасно осветлување со помош на уреди кој овозможува далечинско управување;

Користење на сончевата енергија

Зголемен е трендот на користење на сончевата енергија за добивање на санитарна топла вода, а најчесто се користат колектор соцевки-вакуумски и рамен колектор.