"Let us loop you in" беше името на настанот, со кој Apple ги откри новитетите на кои работи минатите месеци...



На овој настан Apple ги претстави 4 инчениот iPhone SE и новиот помал iPad Pro. iphone SE е најмоќниот 4 инчен телефон на светот, кој функционира со A9 процесор, со што е два пати побрз од iPhone 5S, има задна камера со 4K резолуција и опција за Live Photos. Почетната цена на SE моделот на американски пазар е 399 долари, за моделот со 16GB меморија, а ќе започне со достава уште од идната недела.



Претставен е помалиот брат на iPad Pro исто така, со дијагонала од 9,6 инчи. Кај новиот Pro се става акцент на True Tone технологијата, која ги прилагодува боите на дисплејот, со опкружување на просториите во кои што се наоѓа корисникот. Pro работи со A9X процесор, има дополнителна тастатура, Apple Pencil, и ова е прв пат iPad да пристигне во розе-златна варијанта. Почетната цена на 9-инчениот Pro изнесува 599 долари со 32GB внатрешна меморија, а поголемиот Pro со 256GB ќе има цена од 1099 долари.

Тим Кук најави дека следната година овој пролетен настан ќе биде одржан во просториите на новиот Apple Campus 2.