Корисниците на Mac компјутери биле во опасност откако хакери за прв пат ги нападнале овие компјутери...



Станува збор за ransomware напад, кој ги енкриптира (заклучува) податоците што корисниците ги имаат на своите компјутери, а потоа бара пари од нив за да ги отклучи. Овој хакерски напад го открила компанијата Palo Alto Networks, кој е прв од овој вид на Mac компјутерите.

Хакерите ги инфицирале компјутерите на Apple преку копија од популарната програма Transmission, која служи за префрлување на податоци преку BitTorrent peer-to-peer мрежата за споделување на фајлови. Кога корисниците ја преземале верзијата 2.90 од програмата, автоматски го заразиле својот Mac со вирус. Инцидентот се случил во петок, а од Apple велат дека работат на случајот за понатамошно спречување на ширење на вирусот. Хакерите барале по еден биткоин или 400 долари за да ги добијат корисниците своите фајлови назад. Се проценува дека годишната заработка од ransomware измами изнесува стотици милиони долари.