Компанијата NEC разви нов идентификациски систем, кој ќе го користи човечкото уво како идентификациски систем...



Системот ќе ги разликува лицата врз основа на резонанција на звук во внатрешноста на увото, така што ќе анализира акустични карактеристики на увото, со цел во истата секунда да ја препознае вистинската личност. Точноста при утврдувањето на идентитет е 99%. Увото има уникатен облик исто како и отпечаток од прст, па затоа е идеално за биометриска проверка на идентитетот.

Оваа технологија нема никакво скенирање, доволни се само слушалките со вграден микрофон, кој ќе прима звук, па така овој систем може да се користи додека корисникот се движи или врши некаква работа. Оваа NEC технологија би требало да се најде на пазарот до 2018 година.