Голем број на научници и футуролози ги објавиле своите предвидувања за тоа како ќе изгледа животот на планетата до 2050 година...



Според некои вештачката интелигенција дотогаш ќе стане попаметна од луѓето, благодарение на што, технологијата ќе може да излекува повеќе болести, а животот ќе биде многу подолг.

Визијата за „градовите на иднината“ неодамна ја објави футурологот Јан Пирсон, кој предвидува дека во градовите ќе има многу поголеми облакодери. Најголема зграда во светот моментално е Бурџ Калифа со 163 ката, а Пирсон верува дека до 2050 би можело да има згради од над 8 илјади спрата, што моментално се чини како неверојатно.

Ќе има вселенски аеродроми, кои ќе бидат сместени на зградите и од нив ќе може да се лансираат ракети во вселената, а со оглед на висината на зградата, патото до вселената ќе биде краток и евтин, односно нема да има потреба од многу гориво. Затоа во зградите нема да има лифтови, туку луѓето ќе се превезуваат со беспилотни летала до спратовите.

Пирсон вели дека е невозможно да има подземни градови како што велат многумина, затоа што би било многу скапо, а наместо тоа би можеле да имаме подводни хотели. На патиштата ќе се возат електрични автомобили.