LG најави дека на Светскиот мобилен конгрес наредната недела ќе ја претстави X серијата на телефони...



На конгресот ќе дебитираат LG X Cam и LG X Screen. Уредите се дизајнирани за корисници што не сакаат напредни функции на новите телефони, туку сакаат одлична камера и добар дисплеј. X Cam има 5,2-инчен дисплеј ио Full HD резолуција, 8-јадрен процесор со 1,14 GHz, 2GB RAM и 16GB внатрешна меморија и батерија со капацитет од 2520mAh.

Телефонот функционира со Android 6.0 Marhsmallow, од задната страна има два сензора за камера, еден од 13 и друг од 5 мегапиксели, а од предната страна има сензор од 8 мегапиксели. Моделот X Screen има 4,93-инчен HD главен екран и 1,76-инчен LCD (520 x 80) секундарен екран, со Android Marshmallow. Телефонот има quad-core процесор, кој функционира со 1,2 GHz, 2GB RAM меморија и 16GB внатрешна меморија, батерија од 2300 mAh и камери од 13/8MP.