Сите корисници на Windows оперативниот систем и Skype алатките за комуникација во реално време, отсега може да ја користат услугата за преведување на своите видео повици или текстуални пораки...



Откако Microsoft ја заврши тест фазата, дојде време за продукциска фаза, која сигурно ќе ги развесели сите оние што веќе го користат Skype, а многу веројатно ќе генерираат и добар број на нови корисници. Кој не би посакал да има преведувач во реално време, дури и кога станува збор за аудио и видео повици.

Во таа услуга засега ќе уживаат само оние што сакаат седум поддржани јазици - англиски, германски, италијански, шпански, португалски, француски и мандарински. Се уште не се знае кога ќе бидат достапни и останатите јазици, меѓу кои и нашиот.