Следната верзија на iOS оперативниот систем 9.3 ќе содржи „ноќен режим“ за iPhone и iPad...



Следните уреди ќе бидат полесни за користење пред спиење, а тој ќе им помогне за подобар сон. iOS 9.3 им е веќе достапен на девелоперите, а Night shift е еден од најистакнатите новитети. Кога ќе се активира оваа функција, ќе се промени приказот на бои на екранот. Како што заоѓа сонцето, боите стануваат се потопли и наутро ќе се вратат во нормален приказ.

Причината за тоа е намалување на количината на сино светло што го емитира уредот. Истражувањата покажуваат дека изложеноста на сино светло пред спиење може да го збуни мозокот и да го отежни спиењето.

Apple одлучил да воведе и нов модул за учители, што ќе им даде подобра контрола над iPad-от во училницата, а има и поддршка за повеќе корисници на iPad. Апликациите за вести и здравје ќе доживеат вистинско освежување, а 3D Touch ќе стане уште повеќе напреден.