Компанијата од Купертин очигледно е имуна на сите кризи и рецесии...



Од година на година, Apple ги урива сопствените рекорди, со што се издигнува над сите технолошки компании како најголем гигант. Без разлика дали сте љубители на производите на Apple, нивната бизнис филозофија за производите е непобедлива. Дизајните се неодоливи и совршени, како што Стив Џобс ги сакаше. Визијата на лидерот што почина се уште живее и секоја година дава брилијантни резултати.

Apple го објави извештајот од 2015 година, со доминантните цифри, каде царува App Store. App Store во 2015 ги соборил сите рекорди, затоа што е забележана продажба на апликации во вкупен износ од 20 милијарди долари. Од истиот износ, девелоперите на апликациите за Mac OS X, iOS, Apple TV и Apple Watch ставиле дури 14 милијарди долари во џеб. App Store во последните две недели од 2015 година свртел неверојатни 1,1 милијарди долари, а во првиот ден од 2016 направил нов рекорд. Имено, на 1 јануари 2016 година се купени апликации во App Storе во вредност од 144 милиони долари.