Продолжувајќи го своето водство во категоријата на носечки уреди, Samsung ги најави двете нови елегантни изданија на Gear S2 Classic смарт часовници...



Едниот е со платинесто, а другиот е со 18-каратно куќиште и боја на розево злато.

„Во 2015 година поставивме нови стандарди со Gear S2 уредот во категоријата на смарт носечки уреди. Претставивме еден од најнапредните носечки уреди на Samsung, а во 2016 година ќе продолжиме да поставуваме се поголеми стандарди за да ги обезбедиме производите што нашите клиенти најмногу ги сакаат“, изјавила Јунги Ли, извршната потпретседателка на Samsung Electronics.



Новиот Gear S2 Classic е опремен со NFC технологија за да понуди Samsung Pay сервис, кој на Gear S2 корисниците во САД ќе биде достапен на почетокот на годинава. Samsung ја претстави новата линија на Gear S2, како и креативните и интересни куќишта во соработка со дизајнерите како што се Кеит Харинг, Жан-Мајкл Баскијат и Бартон Морис. Новиот Gear S2 classic ќе биде достапен на почетокот на февруари со куќиште со боја на злато.