Како композитор, пијанист, диригент и музичар, Бетовен имал многу интересна животна приказна што Google ни ја прикажа преку Doodle анимацијата...



Со тоа Google секој го охрабруваше вчера да биде композитор. Целта беше расфрланите ноти на Бетовен повторно да се спојат за да се добијат складни и познати мелодии од неговите музички ремек-дела: В Симфонија, За Елиза, Месечева Соната и Ода на радоста.

Во оваа интересна Google игра, Бетовен ја компонираше својата В Симфонија и на пат кон операта за премиерно да ја изведе пред публиката, се среќава со голем број на проблеми - коњот ќе му ги изеде сите ноти или ќе паднат во реката, па мора да ги наредите, со цел да имаат смисла и да можете да му помогнете да стигне на време на опера. Ова беше интересен начин за анимирање на корисниците од страна на пребарувачот. Денес веќе за жал е избришана оваа можност, ја пробавте ли вие вчера?