Facebook започна да ја тестира својата Messenger апликација за автоматско бришење на сите пораки после одредено време...



Функцијата е достапна моментално само за жителите на Франција, а пораките ќе постојат само еден час, по што ќе бидат избришани.

„Со задоволство ви ја најавуваме новата функција што ќе го направи Messenger најдобар начин за комуникација со важните луѓе“, соопштуваат од Facebook.

Се разбира, секој корисник ќе може да одбере дали сака да ја вклучи оваа опција или не. Во горниот десен агол на апликацијата ќе има иконка со песочен часовник што ќе вклучува/исклучува автоматско бришење на пораки. Се уште не е познато кога оваа опција ќе биде достапна за корисниците од цел свет. Очигледно, ова е обид за копирање на можностите од Snapchat, кој е препознатлив со оваа опција.