Истражувањата не се толку прецизни, но се индикативни и прилично важни...



Секогаш зависи за која тема се работи, како и приоритетите на испитаниците. Сите истражувања докажаа дека профилот на Facebook ви создава зависност. Некои корисници до толку заглавиле, што практично не можат да издржат неколку минути без да проверат што има ново на Facebook.

Како користењето на Facebook влијае за несреќата на сите оние што го користат? Интересно е прашањето, кое се испитувало во данскиот Институт за истражување на среќата. 1095 активни корисници на Facebook биле поделени во две групи: едната нормално продолжила да го користи Facebook секој ден, а другата седум дена имала забрана за вклучување на Facebook. Резултатите покажале дека апстинентите биле посреќни и помалку биле под стрес. 88% од нив изјавиле дека се (по)среќни.

84% од оние што престанале со користење на Facebook уживале повеќе во животот, од кои 61% покажале ентузијазам.