Huawei G линијата доби нов член во семејството - G7 Plus...



Се работи за наследникот на Ascend G7 и затоа доаѓа со подобрени перформанси. Huawei G7 Plus ќе има 5,5-инчен дисплеј со 1080p резолуција и 2.5D Gorilla Glass заштита, оперативен систем Android 5.1 Lollipop, Huawei EMUI 3.1 кориснички интерфејс, а надградбата со Android 6.0 Marshmallow се очекува во февруари. Под хауба се одликува со 8-јадрен Qualcomm Snapdragon 615 процесор, со 1,5 GHz, 3GB RAM меморија и 32GB внатрешна меморија, две СИМ картички, 4G LTE поддршка и батерија со капацитет од 3000 mAh.



Од задната страна има камера од 13 мегапиксели со два LED блица, додека од предната страна има 5 мегапиксели. Huawei G7 Plus има метално куќиште со дебелина од 7.5 мм и тежина од 167 грами, во комплет со скенер за отпечатоци. Цената на новиот Huawei изнесува 330 долари, а наскоро се очекува да започне со продажба низ цел свет.