Жените се во многу мал процент застапени во програмерските води...



Помалку од 20% жени програмерки се наоѓаат на инженерската позиција или некоја друга улога како лидер на компанија. Тоа е глобален проблем, па затоа Google сака да им помогне на жените повеќе да се посветат во програмирањето и подлабоко да влезат во технолошките бизниси.

Недостатокот на жени во оваа индустрија е голем проблем и се применуваат различни методи за негово решавање. Made with Code е иницијатива на Google, што се бори против ова комплексно прашање. Затоа е изработен документарниот филм CODEGIRL, кој проследува 5.000 девојки од 60 различни земји, кои се натпреваруваат во глобалното програмерско претприемништво. На девојките им се дадени три месеци да смислат апликација, со чија помош ќе решат одреден проблем во својата локална заедница.