Јавноста е сигурна во шпекулациите дека Apple ги „краде“ вработените на Teslа, затоа што веќе се знае дека се работи на електрични автомобили...



Apple веќе почна на големо да инвестира во развојот на електричните автомобили и тоа им е заедничко со Tesla Motors, само што втората компанија е многу понапред од телефонскиот гигант. Иако Tesla веќе го има својот Model S, при што неодамна го претстави и Model X, Маск очигледно го смета Apple за сериозен играч. Фронтменот на Tesla Motors неодамна им се обратил жестоко на своите вработени.

„Тие ги вработија сите луѓе што ние ги отпуштивме. Секогаш се шегуваме дека Apple се гробиштата на Tesla. Ако не успеете во Tesla, тогаш одете да работите во Apple. Не се шегувам“, изјавил Елон Маск.



На прашањето за амбициите на Apple кај електричните автомобили, бизнисменот одговорил:

„Го проучивте ли добро Apple Watch? Сериозно, добро е што Apple се движи и инвестира во таа насока. Новото пенкало или поголемиот iPad не се толку важни производи. Но, автомобилите се многу покомплексни од смартфоните и часовниците“.

Маск додава и дека не можете да отидете во Foxconn и да им кажете да ви направат автомбил, но автомобилот е логично решение и значителна инвестиција за секоја компанија што сака да понуди голема иновација. Допрва останува да видиме дали Apple ќе го престигне Tesla, при што дефинитивно ќе биде интересна борбата на големите компании.