Бавното вчитување на мобилните веб-страници предизвикува губење на читателите кај издавачите и сопствениците на порталите, што значи дека се губат пари...



Корисниците немаат трпение да чекаат да се лоадира страницата и затоа си заминуваат од веб-страницата. Така Google ја најавува новата технолгија „Accelerated Mobile Pages – AMP“, која е развиена во консултации со издавачите и технолошките компании, чија цел е значително подобрување на перформансите на мобилниот веб.

„Сакаме да овозможиме брзо вчитување на веб-страниците со богата содржина, како што се видеа, анимации и графика на коишто ќе се прикажуваат реклами“, соопштуваат Google на својот блог.

AMP ќе овозможи брзо отварање на текстовите преку нивниот пребарувач, а новата технологија на Google ќе се користи и кај другите големи компании како што се: Twitter, Pinterest, BBC, The Wall Street Journal, The Washington Post, LinkedIn и многу други. Целта е да се зачува времето на корисниците и побрзо да се лоадираат страниците преку мобилни уреди. Google не соработува со Facebook, затоа што Цукерберг многу порано ја претстави својата слична технологија - Instant Articles, којашто овозможува брзо вчитување на текстовите од мобилните страници на издавачите. Google започнува со поддршка за брзо мобилно вчитување преку својот пребарувач од 2016 година.