Apple, Samsung, LG, Sony и другите големи компании веќе ги претставија своите топ модели на смартфони...



До крајот на годинава ќе ги претстават и Google и Microsoft. Google утре одржува конференција каде ќе ги промовира двата Nexus паметни телефони, со новата верзија на Android Marshmallow, но со две нови верзии на Chromecast. Ова е прв пат Google да претстави два модела од своите мобилни телефони, кои досега обично ги претставуваа во соработка со LG и Huawei.

Nexus 5X ќе има еракн со големина од 5,2 инчи, резолуција од 1920x1080 пиксели, ќе функционира со Snapdragon 808 процесор и ќе има 2 или 3GB RAM меморија. Ќе има внатрешна меморија од 16 и 32GB, сензор за отпечатоци на прсти, задна камера од 13MP и предна од 5MP. Евтината цена би требало да биде еден од главните адути на новиот Nexus - 399 долари.

Вториот телефон на Google ќе биде во соработка со кинескиот Huawei, со што Nexus 6P ќе има поинаков дизајн во споредба со минатиот Nexus 6 и помал дисплеј со дијагонала од 5,7 инчи и резолуција од 2,560x1,440 пиксели. Процесорот ќе биде Snapdragon 810, со 3GB RAM меморија и 32, 64 и 128GB внатрешна меморија. Резолуцијата на задната камера би требало да биде 11MP, додека предната со 7MP.