OpenROV Trident е подводен дрон, кој за само 5 минутки на Kickstarter ги собра потребните 50.000 долари и ги сруши сите досегашни рекорди за брзо собирање на парични средства...



Калифорниската компанија OpenROV тврди дека подводниот робот може да го користат сите, а особено вљубениците на морските длабочини. Дронот е опремен со подводна камера со висока резолуција и може да снима фотографии и 1080p видеа со 30 fps, креира 3D модел од снимениот дел, итн.

Дронот може да оди најмногу до длабочина од 100 метри, максимална брзина од 2 м/с, а со едно полнење на LiFePO4 батеријата, се овозможува три часа возење под вода. Со оглед на тоа што радио брановите не патуваат низ вода, дронот е многу тенок, има водоотпорен кабел и се управува преку безжична врска. Цената на Trident изнесува 799 долари.