Lenovo има свој подбренд - ZUK, кој го исфрли на пазарот својот прв смартфон Z1, кој сега е достапен во цел свет...
Досега ZUK Z1 беше достапен само за кинескиот пазар, но отсега ќе може да го купува и остатокот од светот. Не е многу евтин, но има добри перформанси. Најголема предност на Lenovо ZUK Z1 е големата батерија со капацитет од 4100mAh, за која би требало да биде доволно 12 часа сурфање, 15 часа гледање на видеа, 48 часа разговор преку 4G мрежа и околу 120 часа слушање на музика.
ZUK Z1 поддржува две СИМ картички, додека сето тоа може да го гледате преку одличен FullHD екран од 5.5 инчи со 401 пиксел по инч и 100% NTSC. Предната камера изнесува 8MP и задната 13MP, која доаѓа со автофокус и блиц. 
Телефонот има малку повисока цена за разлика од другите смартфони од својот ранг - 319 долари, што и не е толку претерано ако ви кажеме дека иам 64GB внатрешна меморија и 5.5 инчи дисплеј, со одлична батерија. Повеќе детали за уредот, тука.
