Денес може да контролираме се повеќе уреди преку нашите смартфони, а ова иновативно копче би можело да го олесни контролирањето на другите уреди...



Станува збор за паметен безжичен уред - Flic, кој автоматски ја осветлува просторијата, ја пушта вашата омилена музика, ги повикува контактите од вашиот именик или ја презема улогата на аларм во случај на опасност.



Зад ова паметно копче стои шведската старт-ап компанија Shortcut Labs, која верува дека нивниот уред ќе го врати интуитивниот физички контакт, кој порано го имавме кога сами ги вклучувавме уредите низ куќата.



Flic има три функции и може да се програира да повикува контакти, да нарачува храна, да го вклучува телевизорот или да ги пригуши светлата.



„Денес имаме се поголем број на уреди кои можеме да ги контролираме по безжичен пат, но тоа често знае да биде и комплицирано“, истакнува Пранав Косури, еден од основачите на Flic.