Кинеските компании нудат одличен хардвер со пристапна цена, кои може да им конкурираат на Samsung и Apple...
Корисниците што сакаат евтини телефони може да размислат за смартфонот Robin на компанијата Nextbit, зад која стојат поранешни вработени и директори од Google и HTC, кој може да се нарача преку Kickstarter. Цената за првите што ќе нарачаат изнесува 299 долари, а подоцна цената се искачува на 349 долари. 
За таа цена добивате телефон со 5,2 инчен екран со Full HD резолуција и 13MP задна камера и предна камера со резолуција од 5MP, 3GB RAM меморија и работи на Android Lollipop и силен Snapdragon 808 процесор. Батеријата има капацитет од 2,680 mAh, има поддршка за NFC и сензор за отисоци на прсти. Најинтересно кај овој телефон е внатрешната меморија - Robin доаѓа со 32GB меморија, но сопствениците ќе овозможат дополнителен 100GB простор во cloud сервисот. Овде не станува збор само за бекап на податоци како кај Dropbox, туку телефонот „паметно“ ќе управува со податоците со цел да има доволно простор за се.
