Соперништвото меѓи Samsung и Apple се уште трае и се чини дека ќе трае засекогаш...



Кому му оди подобро? Apple е сосема ок финансиски, а Samsung е малку болежлив, затоа маркетинг стратегијата ја конципира за да биде пред Apple по секоја цена. Компанијата од Купертин најавува дека оваа есен ќе ги претстави новите iPhone модели, па така Samsung одлучи не само да го претстави Galaxy Note 5 пред Apple, туку и да им понуди тест возење за сите што имаат iPhone.

Ultimate Test Drive се вика новата кампања на Samsung, со која на сите корисници на смартфони од Apple ќе им биде овозможено да користат Samsung Galaxy Note 5 и Galaxy S6 Edge+ месец дена без никаков надомест.

„Сакаме на луѓето да им дадеме шанса да ги пробаат последните врвни модели на Samsung, без никакви обврски. Ultimate Test Drive е за тоа", изјавила Елизабет Соломон, потпретседателката за маркетинг во Samsung.