Британците одлучиле да се обидат да го направат и невозможното - патишта со можност за самостојно полнење на автомобили на електричен погон...



Се уште е ова во фаза на тестирање, но Highways England, објавила дека започнува со тестирање на технологијата за „електрични автопатишта“. После подготовката на студијата, наредниот чекор е инсталацијан а системот за полнење на батериите на електричните автомобили. Тест фазата ќе трае само година и половина, а кога ќе се утврди дека ова е исплатлива инвестиција ќе се започне и со реализација на пилот проект.

Полнењето ќе биде целосно автоматизирано, автомобилите нема да имаат потреба од застанување, но на автопатиштата во сопственост на Highways England ќе има и класични станици за полнење на електрични автомобили на секои 30 км. Британскиот министер за сообраќај изјавил: „Подготвивме 500 милиони британски фунти за да бидеме лидери во новата технологија. Сега тестираме за да дознаеме дали електричните возила ќе бидат во ред за нашите семејства и бизнис секторот“.

Иновативна идеја, чини многу пари, но експанзијата на електрични возила продолжува.