Тим Кук и Ерик Шмит ги здружиле силите финансиски и го помогнале проектот за тушот Nebia - eko-friendly туш, систем што ја распрскува водата во облик на магла и на тој начин драстично ја намалува потрошувачката на вода...



За само 8 часа Nebia собра над 380.000 долари на Kickstarter, што е три пати повеќе од првичната цел. Системот на еколошкиот туш создава милиони ситни капки вода, кои покриваат дури 10 пати повеќе површина на телото во споредба со старите тушеви, користејќи за 70% помалку вода. На пример, со стариот туш трошиме 20 литри вода, а со Nebia само 6 литри вода.



„Тоа е како одење низ облаците што ве чистат“, напишал еден корисник на Kickstarter страницата. Ова има многу смисла со оглед на тоа што на италијански „nebbia“ значи магла. Кога ќе започне со продажба, цената на овој производ ќе биде 399 долари.

Компанијата Equinox, Универзитетот Стенфорд, Apple и Google веќе имаат инсталиран Nebia прототип со цел дополнително да го помогнат развојот на целокупниот процес. Компанијата Nebia брои само седум вработени со седиште во Сан Франциско.