На мобилниот пазар доминираат две компании засега – Samsung и Apple, а нивните конкуренти LG, Xiaomi, Huawei и другите се борат за останатото...



Според последните информации од аналитичката компанија Strategy Analitics, Microsoft во вториот квартал годинава го изгуби третото место на пазарот од кинеската компанија Huawei. Во вториот квартал годинава делот на Microsoft падна речиси од 12% на 6,4% во истиот период лани, односно бројот на испорачани мобилни уреди е паднат од 50 милиони на 27,8 милиони.

Истовремено уделот на Huawei порасна од 4,8 на 7%, додека оваа компанија испорача над 30 милиони мобилни уреди, што е зголемување за 10 милиони во споредба со истиот период во 2014 година.

„Huawei брзо расте во цел свет, особено во Кина, каде неговите 4G модели како што Mate 7 е исклучително популарен кај корисниците“, коментираат од Strategy Analitics.