Холандската компанија Fairphone креира паметен телефон, кој може да го расклопи корисникот за една минута, да промени дел или да го поправи, а за сето тоа е потребно само еден шрафцигер...



Fairphone 2 се фокусира првенствено на долговечноста, издржливоста и поправката без да оди на сервис. Во негова корист е фактот што без проблем може да издржи пад од два метри висина. На модерните телефони денес може да им се смени само екранот, а на овој телефон може се смени и процесорот, камерата, микрофонот и многу други компоненти.



Механизмот на овој модуларен телефон е многу едноставен, така што расипаните делови може да ги замени било кој, без да има потреба од специјален алат. Кога станува збор за перформансите, Fairphone 2 има гумирана маска, 5-инчен екран, 2GB RAM, 8 мегапикселна камера, 4G технологија и два влеза за СИМ картички.



Телефонот ќе биде лансиран на пазарот оваа година, со цена од 525 €.