Research In Motion (денешниот BlackBerry) и Nokia доминираа на пазарот на мобилни и паметни телефони во текот на поголемиот дел од изминатата деценија...



Нивниот пад започна од моментот кога Apple го претстави iPhone, и уште позасилено, после претставувањето на Android. Овие две компании не се адаптираа на пазарот и понатаму продолжија со производство на телефони со тастатури и застарени оперативни системи, па така си ја запечатија судбината. Така Research In Motion се преименува во BlackBerry и ја претстави новата верзија на свој оперативен систем и нови паметни телефони. Сепак BlackBerry падна и се изгуби во пазарот.

BlackBerry сега се обидува да се фокусира повеќе на софтвери и услуги, а се чини дека еден од идните потези на компанијата ќе биде паметен телефон што ќе работи на Android.

Неименувани извори блиски до компанијата, објавуваат дека првиот Android ќе има голем екран на допир и хардверска тастатура на лизгање. Оваа тастатура го прави уредот доста интересен и практичен, бидејќи така може многу побрзо да се пишува.

Од BlackBerry не сакаат да ги коментираат овие гласини, само не уверуваат дека ќе останат со моменталниот оперативен систем на нивните телефони (BlackBerry 10 оперативен систем). Така се уште може да очекуваме мобилни уреди што ќе работат со нивниот софтвер, но тоа не значи дека тие нема да се обидат да експериментираат и со Android.