Типично за Apple, компанијата и оваа година е полна со иновативни изненадувања...



Поточно, се работи за веста поврзана со користењето на нивните мапи, поточно надополнување на постоечката „Maps“ апликација, која овозможува да ги разгледувате улиците во 3D режим, што е слично со сервисот Street View на Google.

Компанијата Apple на вчерашниот настан WWDC најави приказ на јавниот превоз во рамки на својата „Maps“ апликација, а објавен е и список со локации, на кои веднаш потоа ќе се извршува снимање на нивните возила.

Според овој список, возилата на Apple ќе можат да ги гледаат Англија, Ирска и САД. Секој месец ќе се надградува и надополнува овој список. Странските блогови пишуваат дека Apple ќе ги замаглува регистарските таблички и лицата на минувачите исто како Google, така што веројатно навигацијата на Apple Street View ќе биде слична како Google-овата.

Очигледно Apple го прифати предизвикот и со ова им фрла ракавица на сите оние што ја критикуваа за лошиот квалитет на нивните Мапи во 2012 година. Како и да е, оваа вест треба да се земе со резерва и се надеваме дека апликацијата на највредниот бренд во светот ќе ја оправда оваа објава.