Објективно е прашањето кој ќе може да гледа во толку голема резолуција, затоа што и 4K е се уште недостапен поради релативно скапите монитори или телевизори, но YouTube и онака постојано ги помрднува границите напред...



Стандард е се уште "класичната" full HD резолуција, која со соодветната брзина на интернет и графичка картичка, без проблем ќе го "проголта" видеото. На YouTube истовремено се повеќе се појавуваат видеа во 4K резолуција.

Минатата година излезе цела приказна за 4K, која изгледа како "научна фантастика".

Остварувањето со насловот „Ghost Towns“ во продукција на „Neumannfilms“ не е толку важно, барем во однос на квалитетот, но тоа не е поентата на оваа приказна. Суштината е во нативната резолуција од 8К, видео снимено од Red Epic Dragon 6k камера, но во пост-продукција било растегнато во повисока резолуција, со помош на Adobe After Effects програмата.