Еден од начините во иднина да се реши проблемот со несовесното пиење на возачите, се автомобили без возачи, т.е., возилата да бидат управувани од компјутер...



Ако се докаже дека овие автомобили се побезбедни од оние што ги управуваат луѓето, Елон Маск верува дека тогаш би можело да им се забрани управување со возила на луѓето, бидејќи тие се поневнимателни од компјутерот.

Во моментов се работи на развојот на два видови на технологии - сензор за мерење на количество алкохол во здивот на возачите, или сензор којшто со помош на прст ќе може да ја открие количината на алкохол во крвта. Во случај сензорите да откријат дека возачот пиел до дозволената граница, ќе може да го вози автомобилот, во спротивно нема да му биде дозволено. Оваа програма добила поддршка од Конгресот на САД, а досега е претставено експерименталното возило, со кое научниците сакаат да ја тестираат интеракцијата на возачот со системот за детекција на алкохол.