Мобилноста и пристапот кон интернет во секое време, денес е стандард кон кого тежнеат се повеќе компании...



Без разлика на тоа што на Microsoft ова не им е основна дејност, таа реши да се вклучи во трката за развој на глобална, јавна безжична мрежа.

„Hot-Spot“ мрежите на фирмите во последните години ја преплавија цела планета. Во денешниот деловен свет неопходна е потребата постојано да се биде онлајн, како кај приватните корисници. Google, Facebook и многу други сериозни играчи, секојдневно работат на технологија што ќе ни овозможи секој ден да имаме пристап кон интернет во секое време, од било која локација.

Новост е влегувањето на Microsoft на пазарот за обезбедување на пристап до кон интернет преку јавни безжични мрежи. Според Fortune, компанијата од Редмонд наскоро планира да лансира безжична мрежа во 130 земји низ цел свет, односно, дури 10 милиони „hot-spot“ точки за пристап.

"Да, работиме на проценка на новата услуга, којашто ќе ја наречеме Microsoft Wi-Fi, чија цел е да овозможи бесплатен пристап кон интернет на милиони корисници ширум светот", одговорил портпаролот на Microsoft.