Со оглед на тоа што голем број на паметни телефони немаат дополнителен простор за мемориска картичка, клауд сервисите се наметнуваат како одлично решение...



Google го претставуваат новиот сервис „Google Photos“, кој е достапен на веб и како апликација за Androide софтвери, како и мобилните уреди на Apple, а корисниците таму ќе може да прикачуваат неограничена количина на податоци, слики и видеа.

Ограничување на податоците сепак постои, така што се овозможува прикачување на фотографии до 16MP, односно видеа со резолуција што не е поголема од 1080p – содржината што е со поголема резолуција, автоматски се намалува за да се вклопи со овие услови. Прикачувањето на слики и видеа со поголема резолуција е возможна, но корисниците ќе може максимално да прикачат 15GB со ваков тип на содржина. Со опцијата за неограничено прикачување на податоци, Google сака овој сервис да стане „дом за сите фотографии и видеа“, однсоно „безбедно и приватно место за вашите животни моменти“, a Google Photos може автоматски да ја бекапира вашата содржина од компјутерите, телефоните и таблетите.