Google ги патентирал своите плишани играчки во САД, кои се во облик на плишано мече и зајаче...



Играчките во просторот може да детектираат присуство на луѓе и по барање да управуваат со електронски уреди.

На цртежот што го објавил американскиот оддел за доделување на патенти „US PTO“ (US Patent and trademark office), се прикажува играчка во облик на плишано мече и зајаче, со микрофони во ушите, камери во очите, звучници во устите и мотор во вратот.

Мечето можете да го стиснете и прегрнете, без страв дека ќе скршите некој елемент од неговите електронски компоненти.

Оваа играчка може да слуша, да ја врти главата за да воспостави визуелен контакт, разбира што и се зборува, одговара со однапред снимени реченици, а би можела преку безжична технологија да комуницира со електронски уреди како што е Bluetooth, да пушта музика или филм на децата, итн.