На овогодинешниот Google I/O настан, се очекува од Google да претстави голем број на новитети...



Најочекуван од сите нив е излегувањето на новата верзија на Android M. Многу малку детали се познати за новиот Android, но овие денови кружат нови гласини дека ќе се работи најмногу на софтверското подобрување и унапредување, кое би можело да резултира со поддршка за отчитување на отисоци за прсти, при влегувањето во некоја апликација.

Оваа функција би требало да овозможи заштита кај пристапот кон одредени апликации, при што пристапот ќе биде дозволен само со валидниот отисок на прстот, на сензорот на паметниот телефон. Со оваа опција Android директно му конкурира на iOS, со оглед на тоа што функцијата за заштита на влез во апликација со помош на Touch ID на iPhone е возможна само со jailbreak.