Кина моментално го зазема 82-то место на светот по просечна брзина на интернет, што е многу побавно од Малезија и Тајланд...



Затоа владата во земјата одлучила да ја промени ситуацијата и да вложи многу пари во инфраструктура и зголемувањето на брзината на интернетот, во најбројната земја на светот. Според Ројтерс, тоа ќе биде клучниот чекор за втората најголема светска економија, која моментално бележи најслаб раст во последните години – наместо производство на евтин хардвер, Кина во следните десет години сака да оствари голем напредок во вселенската индустрија, e-трговија и биоинженерството.

За да успеат во тоа, прво е потребно да ја подготват инфраструктурата за брзиот интернет, за што Кина планира до крајот на 2017 година да вложи над 182 милијарди долари. Оваа година ќе вложат речиси 70 милијарди долари, а во текот на следните две уште малку повеќе од 112 милијарди за развој на оптиката и брзите 4G мобилни мрежи.