Нема официјална дата, туку само се очекува во месец март конечно Tesla да го претстави наследникот од популарната серија на Model S...



Елон Маск во интервју за инвеститорите истакнал дека се надева дека Model 3 ќе биде прикажен во март 2016 година, но истакнал дека планот може да се промени во наредните месеци.  

Model 3 ќе биде значително поевтин електричен автомобил, чија цена би требало да биде околу 35.000 долари, со батеријата што би требало да издржи околу 320 километри со едно полење. Model 3 ќе биде за 20% пмал од Model S и ќе биде наменет за масовно производство. Тоа може да и донесе голем профит на компанијата. Маск вели дека би можел овој автомобил да започне со достава кон крајот на 2017 година.

Освен Model S, веќе се произведува и Model X, SUV-от за кој Tesla ќе започне да прима нарачки од јули годинава.

„Ова е навистина одличен автомобил. Поради своето ниско тежиште, автомобилот се однесува како спортски, иако се работи за SUV“, објаснил Маск.