Факт е дека денес приватноста е целосно нарушена, која ја изгубивме уште од моментот кога прв пат пристапивме на интернет...



Така е и со Google, тој ни нуди одлични нешта, особено ако се пријавиме со личен профил на неговите сервиси, но така ја губиме приватноста. Google живее од пребарувања, односно од реклами што се појавуваат при пребарувањето на одреден поим.  

Отсега, на вашиот профил на Google, односно на поставките на овој линк можете да ги конфигурирате поставките за тоа кои информации ќе ги собира Google за вас. Голема новост е тоа што може многу опции да се деактивираат кај Google: за историјата на пребарувањето, местата што ги посетуваме, информациите за уредите со кои пристапуваме кон Google, видеата што ги бараме на YouTube, па се до поставките на личниот Google+ профил. Некои од опциите, на пример за активностите и уредите на кои се пријавувате со податоци од Google, можеби и не е паметно да се исклучат, бидејќи на тој начин ќе знаете ако некој ви го пробие профилот. Како и да е, супер е што секој може да одлучува за себе, што ќе исклучи, а што не.