Јапонската авио компанија "All Nippon Airways" – (ANA), го најавила најновиот модел на авиони, инспирирана од фимскиот серијал Star Wars...



Авионот Star Wars го симболизира почетокот на петгодишната соработка на оваа компанија со јапонското претставништво на Walt Disney, па така новиот Boing 787-9 ќе изгледа како роботот R2-D2. Ова е прв пат комерцијално летало да биде дизајнирано според лик на јунак од познат филм.



R2-D2 мотивот се вклопува со досегашното сино лого, а познатиот робот од филмот се поврзува со маркетиншката цела на оваа луксузна авио компанија.  

Проектот Star Wars има и посебна цеб страница, каде се слуша оригинална музика од филмот, има фотографии и видеа од новиот луксузен авион, чија цел е поврзување на патниците со цел свет.



„Уверени сме дека новиот дизајн ќе му се допадне на секој љубител на филмот Star Wars, а најквалитетната услуга со 5 ѕвездички, ќе им обезбеди максимално уживање на патниците и впечаток на вистинска иднина и летање“, наведува потпретседателот на компанијата, Кајлин Волтерс.

Авионот Star Wars ќе започне со меѓународни летови од есента оваа година.