Facebook моментално ја тестира Hello, новата апликација за Android, која служи за полесна комуникација...



Hello ги поврзува контактите од вашиот Facebook профил со контактите од телефонскиот именик. Целосното име на апликацијата е "Hello - Caller ID & Blocking", а главната разлика помеѓу обичниот систем на вашиот Android и оваа апликација е што Hello ги препознава повикувачите, доколку истите се регистрирани на Facebook и автоматски ви ја прикажува неговата профилна фотографија.



Функцијата "Caller ID" има неколку можности за блокирање на повици од страна на одредени личности. Вреди да се истакне уште една добра карактеристика, а тоа се бесплатните повици, кои се извршуваат преку Messenger, ако сте поврзани на некоја Wi-Fi мрежа, но апликацијата работи и како замена за стандардна апликација за повици. Апликацијата е достапна на Play Store, но не сме сигурни дека се уште ќе може да функционира во нашата земја.